Nân-ı huşk ile kanâat gibi bir ni'met mi var
Künc-i istiğnâ gibi bir gûşe-i râhet mı var
Kimden eylersin recâ kime idersin ilticâ
Kanı bir ehl-i mürüvvet kimsede himmet mi var
Izzet-i dünyâ içün memnûnı olmam kimsenin
Çekmeğe bâr-ı belâ-yı minneti tâkat mi var
Her kaçan varsan safâ geldün denür her gûşeden
Varacak pîr-i mugan dergâhıdır minnet mi var
Nîce demdür sa'y idersin fazl ü dâniş kesbine
Yohsa Yahyâ ma'rifet ashâbına rağbet mi var
